დამპალოს დასახლებაში, თვალჭრელიძის #2-ში მდებარე 344 396 კვ.მ მიწის ნაკვეთის და მასზე განთავსებული შენობა-ნაგებობების საწყისი გასაყიდი ფასი 34,45-დან 25 მლნ აშშ დოლარამდე შემცირდა.

შეიცვალა აუქციონის პირობებიც. დასახლებაში მცხოვრები დევნილების ალტერნატიული საცხოვრებელი ფართით დაკმაყოფილების მიზნით, კონკურსში გამარჯვებულმა კომპანიამ უნდა განახორციელოს ტერიტორიაზე მდებარე 5897 კვ.მ მიწი ნაკვეთზე მდგომი შენობა-ნაგებობების სარემონტო-სარეაბილიტაციო სამუშაოები, სადაც დევნილები (37 ოჯახი) განთავსდება.

ბაგებში, წყნეთის გზატკეცილზე მდებარე 40500 კვ.მ მიწის ნაკვეთის საწყისი გასაყიდი ფასი 7-დან 5,3 მლნ აშშ დოლარამდე შემცირდა.

27 ნოემბრისთვის დაგეგნილ აუქციონზე გატანილი იქნება თბილისში, აღმაშენებლის ხეივანში მდებარე 1595 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები (საწყისი ფასი -345 000 აშშ დოლარი) და პუშკინის #5-ში მდებარე შენობის 951 კვ.მ და პუშკინის #7-ში მდებარე შენობის 1001,31 კვ.მ არასაცხოვრებელი ფართები (საწყისი ფასი - 5,5 მლნ აშშ დოლარი).

“ინტერპრესნიუსი”